定向(最)基本功: Stop, Set Map, Select (停、正置地圖、選擇前進方向)

由今日開始我會喺度打一堆定向相關教學。因為諗住係淺白教學,用中文 (粵語) 打。 我敢講,做咗Stop, Set Map, Select之後,超過一半嘅錯誤 (mistakes) 都會消失。 即係點? 首先: 停喺度 (夠進階嘅,又或者想訓練得勁啲嘅,可以原地踏步) 跟住就係戲肉: Set map (正置地圖) 即係要將地圖同實地對正咁解。如圖,地圖上小徑方向同實際小徑對準,池塘喺小徑右邊。記得對埋前後左右地形邊邊高,邊邊低呀 (睇等高線 — 唔識嘅話遲下再教)! 最後: 你要行邊邊? 睇你條紫色線 (賽程,course) 指向邊啦,記得諗好哂去下一個control (checkpoint,控制點) 先好行呀。 其實stop, set map, select唔止定向有用呀,平時出街唔識路都有用架,開住Google Map問路記得set咗map先好行呀! 唔好做路痴係咁盪失路啦! (註: 以我所知外國教練好少咁樣一套教嘅,不過相傳 (聲明,只係相傳,小弟未能證實) 係由瑞典黎香港支援定向發展多年嘅Perola Olsson推廣stop, set map, select嘅全套教法嘅,所以香港嘅教練通常都會使用呢個教法。) Stop, set map, select is the most basic technique in orienteering and can probably … Continue reading 定向(最)基本功: Stop, Set Map, Select (停、正置地圖、選擇前進方向)

Advertisements